काठमाडौँ – मिस लिम्बू’को उपाधि भिनुमा पाहिम लिम्बूले जितेकी छन् । १७ जना प्रतिस्पर्धीलाई पछि पार्दै तेह्रथुम खाम्लालुङकी भिनुमा छैटौँ ‘मिस लिम्बू’ को उपाधि जितेकी हुन् ।
भिनुमाले १ लाख नगद र हङकङ भ्रमणको अवसर प्राप्त गरेकी छन् । ग्राण्ड फिनालेमा अभिनेता सुनिल थापालगायत अतिथिले विजयीहरूलाई पुरस्कार र उपाधि प्रदान गरेको हो ।
याक्थुङ यूथ एसोसिएसन (वाईवाईए) द्वारा आयोजित ‘मिस लिम्बू–२०७९’का पाँचथरकी काजल सेलिङ लिम्बू र फस्ट रनरअप र धनकुटाकी मुना चेम्जोङ लिम्बू सेकेण्ड रनरअफ भएका छन् । विजेता तीनै जनालाई ताज र नगद पुरस्कार प्रदान गरिएको हो ।
कार्यक्रममा पूर्वमिस नेपाल माल्भिका सुब्बा, इभाना मानन्धर, वरिष्ठ कलाकार सुनिल थापा, कोरियोग्राफर जयन सुब्बा मानन्धर, नेत्र चिकित्सक डा। बेन सुब्बा, पुर्वमिस लिम्बू मेरिना पोमु लिम्बूलगायत निर्णायकको उपस्थिति थियो । प्रतियोगितामा विभिन्न १६ वटा सबटाइटल अवार्डसमेत प्रदान गरिएको थियो ।