काठमाडौँ – दयाहाङ राईसहित १३ जना कलाकार मिलेर १ करोड २० लाख भन्दा बढी लगानीमा काठमाडौंको बानेश्वरस्थित थापागाउँमा लेन्चाखिम रेष्टुरेन्ट सञ्चालनमा ल्याएका छन्।
मण्डला नाटकघरसँग जोडिएका सबै कलाकारहरू मिलेर लेन्चाखिम सञ्चालनमा ल्याइएको हो। दयाहाङ राई, बुद्धि तामाङ, सृजना सुब्बा, विजय बराललगायत १३ जना छन्।
अनामनगरमा नाटकघर हुँदादेखि नै क्याफे खोल्ने सोच थियो। त्यसैले अहिले नयाँ ठाउँमा नाटकघर बनिसकेपछि खाली ठाउँ पनि प्रयोगमा आउँछ र नाटक हेर्न आउनेहरूलाई खान, बस्नका लागि सहज हुन्छ भनेर रेष्टुरेन्ट सञ्चालनमा ल्याएको दयाहाङले बताए ।
रेष्टुरेन्टको नाम भने राईको वान्तवा भाषामा राखिएको उने बताए । वान्तवा भाषामा ुलेन्चाु भनेको खाजा र खिमु भनेको घर हुने उल्लेख गर्दै उनले सुन्दा राम्रो लागेकाले लेन्चाखिम नाम राखिएको बताए। नाम जस्तै लेन्चाखिममा खाजाहरू पनि मौलिक परिकारका चाख्न पाइन्छ।
यहाँ पूर्वको ‘वाचिपाु’, ‘याङवेनु ‘ जस्ता मौलिक परिकारको स्वाद लिन सकिन्छ। यसबाहेक अन्य रेष्टुरेन्टमा पाइने सबै परिकारहरू लेन्चाखिममा पाइने बताए । उनले यो रेष्टुरेन्ट नाफा कमाउनेभन्दा पनि मण्डला नाटकघरको सञ्चालनमा सहयोग पुग्ने सोचले खोलेको बताए।
गत सातादेखि सञ्चालनमा आएको यो रेष्टुरेन्ट मण्डला नाटकघरको माथिल्लो दुई तलामा छ। पहिलो तलामा क्याफे छ ।