काठमाडौँ – नेपाली चलचित्र ‘ए साथी सुन’को पोस्टरसहित प्रदर्शन मिति सार्वजनिक भएको छ । अभिनेत्री वर्षा सिवाकोटीद्वारा अभिनित चलचित्र आगामी चैत १० गतेबाट प्रदर्शनमा आउन लागेको हो ।

सार्वजनिक भएका दुई पोस्टरमा चलचित्रका प्रमुख कलाकारहरु वर्षा सिवाकोटी र डेब्यु कलाकार रमेश बानियाँलाई देखिएको छ ।

चलचित्रलाई रामराघव आचार्यले लेखन तथा निर्देशन गरेका हुन भने विना कार्की र सन्तोषकुमार राईले निर्माण गरेका हुन् ।

इभान इन्टरटेनमेन्टको प्रस्तुतिमा निर्माण हुन लागेको चलचित्रलाई लभस्टोरी, थ्रिलर र कमेडी कथावस्तुमा आधारित चलचित्रमा वर्षा र रमेशका अलावा आयन खड्का, सुशील पोखरेल, जयनन्द लामा, रमेश अधिकारी, विमला गिरीलगायतले अभिनय गरेका छन् ।