एजेन्सी– सन् २०२३ मा धेरै स्टार किड्स बलिउडमा प्रवेश गर्ने तयारीमा छन् । फिल्म अभिनय भर्खर तयारी भएपनि सामाजिक सञ्जालमा भने उनीहरूको फ्यान फलोइङ थुप्रै छन् । २०२३ मा बलिउड डेब्यु गर्ने ४ स्टार किड्स, जसको चर्चा अहिले गर्न खोजिएको छ ।

सुहाना खानः
बलिउडका किंग शाहरुख खान र गौरी खानकी छोरी सुहाना खान निर्देशक जोया अख्तरको फिल्म ‘द आर्चिज’बाट अभिनयमा डेब्यु गर्दैछिन् । यो फिल्म सन् २०२३ मा रिलिज हुनेछ । फिल्मको रिलिजको आधिकारिक मिति भने सार्वजनिक गरिएको छैन । यो फिल्म नेटफ्लिक्समा रिलिज हुनेछ । सुहाना खान सामाजिक सञ्जालमा निकै सक्रिय छिन् । सामाजिक सञ्जालमा उनको ठूलो फ्यान फलोइङ छ ।

खुशी कपुरः
श्रीदेवी र बोनी कपूरकी कान्छी छोरी खुशी कपूर आफ्नी जेठी बहिनी जान्हवी कपूरको पाइला पछ्याउँदै अभिनयमा डेब्यु गर्न तयार छिन् । खुशी जोया अख्तरको निर्देशनमा बनेको फिल्म ‘द आर्चिज’ बाटै डेब्यू गर्दैछिन् । खुशी कपूर एक सोशल मिडिया स्टार पनि हुन् र सोशल मिडियामा उनको ठूलो फ्यान फलोइङ छ ।

शनाया कपूरः
सञ्जय कपूरकी छोरी शनाया कपुर निर्माता करण जोहरको फिल्म बेधडकबाट डेब्यु गर्दैछिन् । यो फिल्म शशांक खेतानले निर्देशन गर्दैछन् । यो फिल्म मार्फत करण जोहरले शनाया कपुरसँगै दुई नयाँ अनुहार लक्ष्य र गुरफतेह पीरजादालाई पनि लन्च गर्दैछन् । शनाया कपूर ‘गुंजन सक्सेना ः द कारगिल गर्ल’ मा सहायक निर्देशक थिइन्, जसमा उनकी कजिन जान्हवी कपूर मुख्य भूमिकामा थिइन् ।

अगस्त्य नन्दः
बलिउडका महानायक अमिताभ बच्चनको नाति तथा श्वेता बच्चन नन्दा र निखिल नन्दका छोरा अगस्त्य नन्दा पनि जोया अख्तरको फिल्म ‘द आर्चिज’ बाट डेब्यु गर्न लागेका छन् । उनको अर्को फिल्म ८ डिसेम्बरमा घोषणा भएको थियो । जसमा उनी दिग्गज अभिनेता धर्मेन्द्रको अपोजिटमा सिपाहीको भूमिकामा देखिनेछन् । फिल्मका निर्देशक श्रीराम राघवन हुन्, भने निर्माता दिनेश विजन रहेका छन् । –अमर उज्याला