काठमाडौं- अभिनेत्री नीता ढुङ्गानाले निर्माण गर्न लागेको फिल्म ‘ह्रस्व दीर्घ’ मा कलाकारको रूपमा गरिमा शर्मा भित्रिएकी छन् ।
निर्माण युनिटले फिल्मको मुख्य भूमिकाको लागि शर्मालाई अनुबन्धित गरेको हो ।
फिल्मका लागि केही दिनअघि अभिनेत्री बिपना थापा र रबीन्द्र झा पनि भित्रिएका थिए। शर्माले प्रदर्शनको तयारमा रहेको फिल्म ‘लन्डन टु पेरिस’ बाट अभिनेत्रीको रूपमा फिल्ममा डेब्यु गरेकी हुन् ।
चन्द्र पन्तको निर्देशन रहने फिल्ममा सरोज खनाल, सलोन बस्नेत, नीता ढुङ्गाना, हरिहर अधिकारी, प्रदीप रावत, ब्रह्मानन्द लगायतका कलाकारको अभिनय रहनेछ ।
१ फेब्रुअरीदेखि छायाङ्कन शुरु हुने फिल्मलाई तीन चरणमा खिचिने भएको छ । फिल्मको पहिलो चरणको छायाङ्कन भारतको हैदराबादस्थित रामोजी स्टुडियोबाट सुटिङ शुरु हुनेछ, भने दोस्रो चरणको छायाङ्कन नेपालमा र तेस्रो भारतको बनारसमा गर्ने निर्माण युनिटले जनाएको छ ।