काठमाडौँ । मंसिर ४ पछि संखुवासभामा एमालेको वर्चस्व सकिने भएको छ । पाँच वर्षअघि एमालेबाट निर्वाचित राजेन्द्रप्रसाद गौतमको कमी कमजोरी र त्यतिबेला गरेको बाचा पूरा हुन नसक्दा एमालेले साख जोगाउन नसक्ने अवस्था आएको हो ।
चुनावी प्रचारमा हिँडेका गौतमसँग आफ्नै कार्यकर्ता रुष्ट छन् । उनका कार्यकर्ता गौतमले पाँच वर्षमा संखुवासभामा विकास गर्न नसकेको नसकेको आरोप लगाउँछन् । आफू निकट र भनेको नमान्नेलाई गौतमले पछिल्लो समय जिल्ला कमिटीलाई हातमा लिएर कारवाही र पद साटफेर पनि गरिरहेका छन् । जसका कारण कार्यकर्ता रुष्ट हुँदा गठबन्धनलाई फाईदा पुगेको छ ।
आफू सत्तामा हुँदा जथाभावी गरेको भाषण यतिबेला गौतमका लागि पेचिलो बनेको छ । रुष्ट कार्यकर्तालाई एकै ठाउँ ल्याउन नसक्दा गौतमकै कारण एमालेले पराजित हुने भएको हो । पैसा खर्च गर्न नसक्ने कार्यकर्तालाई गौतमको हेर्ने दृष्टीकोणसमेत फरक देखिएको छ ।
पछिल्लो समय एमाले नेता तथा पूर्व राजदुत अर्जुन कार्कीलाई साथ दिएको आरोप सुजन श्रेष्ठलाई छ । जसका कारण गौतमले चुनावी प्रचारमा समेत श्रेष्ठलाई सँगै लगेका छैनन् ।
अचम्म त के छ भने पैसा बाँडेर पाँ बर्ष अघि खाँदबारी नगरपालिकाको चुनाव जिताउन सक्रिय रहेका श्रेष्ठलाई एमालेले आइतबार उनकै वडामा घरदैलोमा समेत लगेनन् ।
गौतमले मागेजति पैसा दिन नसकेपछि उनी साइड लागेको एमाले स्रोतले जनायो । श्रेष्ठ अहिले पनि जिल्ला कमिटी सदस्य छन् । चुनाव प्रचारकै लागि श्रेष्ठ अमेरिकाबाट संखुवासभा आएका हुन् । खाँदबारीको रानीछापमा घरदैलोमा नलगेपछि श्रेष्ठ खाँदबारी विशेष काम छ भनेर आएका थिए । श्रेष्ठको रानी छापमा आफन्त छन् ।
उनले पाँच वर्षअघि घरका सबैलाई रोजगारी दिने र त्यहाँसम्म गएको सडक स्तरउन्नती गर्ने भन्दै आश्वासन बाँडेका थिए । त्यो वाचा पूरा नभएपछि उनलाई घरदैलोमा एमालेका स्थानीय नेताहरुले गाउँ छिर्नबाट रोक लगाएका थिए ।