नयाँदिल्ली- भारत उत्तराखण्डको पौडी-गढवाल जिल्लामा मंगलबार राति भएको बस दुर्घटनामा कम्तिमा २५ यात्रीको ज्यान गएको छ।

बसमा ४५ देखि ५० जना सवार रहेको स्थानीय प्रहरीले जनाएको छ। जन्ती लिएर जाँदै गरेको बस दुर्घटनामा परेको हो। दुर्घटनामा परेका २१ जनालाई बचाइएको प्रहरीका महानिर्देशक अशोक कुमारले समाचार एजेन्सी एएनआईलाई बताए।

सकुशल उद्धार गरिएका यात्रीलाई स्थानीय अस्पतालमा उपचारार्थ भर्ना गरिएको उत्तराखण्डका मुख्यमन्त्री पुष्करसिंह धामीले जानकारी दिए।