काठमाडौँ । बलात्कारको आरोप लागेका नेपाली राष्ट्रिय क्रिकेट टोलीका निलम्बित कप्तान सन्दीप लामिछाने स्वदेश फर्किने भएका छन् । उनी आज नेपाल आइपुग्ने भएका हुन् ।

उनीविरुद्ध गत भदौ २१ गते एक नाबालिगले बलात्कार गरेको आरोप लगाउँदै गौशाला प्रहरी वृत्तमा उजुरी दिएकी थिइन् । सोही घटनापछि उनी क्यारेबियन प्रिमियर लिग (सीपीएल) बीचमै छाडेर आउन लागेका हुन् ।

उक्त उजुरीपछि प्रहरीले जिल्ला अदालत काठमाडौंबाट गत बिहीबार पक्राउ पूर्जी लिइसकेको छ । पक्राउ पूर्जी लिएर त्रिभूवन अन्तर्राष्ट्रिय विमानस्थलसहित सबै नाकामा प्रहरीले पक्राउ आदेश पठाएको छ ।

स्रोतका अनुसार सन्दीप फर्किएलगत्तै प्रहरीले पक्राउ गर्ने तयारी गरेको छ ।