काठमाडौँ । चन्द्रागिरी नगरपालिका २ स्थित नागढुंगाबाट प्रहरीले बिलबिनाको १३५ बोरा रासायनिक मल बरामद गरेको छ । ना ६ ख ५४८८ नम्बरको ट्रकबाट बिलबिनाको उक्त रासायनिक मल बरामद गरिएको प्रहरीले जनाएको छ ।

ट्रकका चालक मकवानपुर मनोहरी गाउँपालिका ९ बस्ने २३ वर्षीय स्वदेश उप्रेतीलाई बुधबार पक्राउ गरिएको छ । वीरगञ्जबाट काठमाडौँतर्फ आउँदै गरेको उक्त ट्रकलाई प्रहरी प्रभाग नागढुंगाबाट खटिएको प्रहरीले जाँच गर्ने क्रममा पक्राउ गरेको हो ।

उनलाई बरामद मल र ट्रकसहित आवश्यक कारबाहीका लागि त्रिभुवन विमानस्थल भन्सार कार्यालय गौचरमा बुझाइएको छ ।