भारतको युद्धग्रस्त राज्य कश्मीरमा त्यहाँका कश्मीरी पण्डित समुदायमाथि आक्रमण र हत्या नरोकिएपछि सरकारले उनीहरूको सुरक्षाका लागि ठूलो निर्णय लिएको छ।

उक्त समुदायका १७७ जना शिक्षकलाई एकसाथ कश्मीर घाँटीबाहिर सरुवा गरिएको छ। उनीहरूलाई कश्मीरकै विभिन्न जिल्लाका सदरमुकामहरूमा सरुवा गरिएको छ।

श्रीनगर चिफ एजुकेसन अफिसरले जारी गरेको सूचनाअनुसार उनीहरूलाई सुरक्षित स्थानमा सरुवा गरिएको जानकारी गराइसकिएको छ। कश्मीरी पण्डितहरूमाथि निरन्तर ‘टार्गेट किलिङ’ भइरहँदा सरकारले उनीहरूको सुरक्षा व्यवस्थापन गरेको हो।

गत ३१ मेमा सोही समुदायकी शिक्षक रजनी बालालाई विद्यालयबाहिर आतंकवादी समूहले गोली हानी हत्या गरेको थियो। त्यसयता कश्मीर पण्डित समुदायका शिक्षकहरूको सुरक्षाबारे बहस शुरु भएको थियो।