इजरायलले संयुक्त अरब इमिरेट्ससँग स्वतन्त्र व्यापार सम्झौतामा हस्ताक्षर गरेको छ।
यसले दुई देशबीचको व्यापारमा लाग्ने शुल्क घटाउने वा हटाउनेछ। यसको उद्देश्य द्विपक्षीय व्यापारलाई वार्षिक एक हजार मिलियन डलरभन्दा बढीमा पु¥याउने छ।
इजरायलका अर्थमन्त्री र यूएईका अर्थमन्त्री अब्दुल्लाहा बिन तौक अल मारीले महिनौंको वार्तापछि मंगलबार दुबईमा सम्झौतामा हस्ताक्षर गरेका हुन्। यो सम्झौतापछि ९६ प्रतिशत सामानमा लाग्ने भन्सार हट्ने र पाँच वर्षभित्र द्विपक्षीय व्यापार वार्षिक एक हजार मिलियन डलर पु¥याउनेछ।
यूएईका व्यापार मन्त्री थानी अल जायउदीले व्यापार सम्झौताले ‘मध्यपूर्वको इतिहासमा नयाँ अध्याय’ भएको बताए। उनले ट्विटरमा लेखेका छन्, ‘यो सम्झौताले विकास, रोजगारी सिर्जना र यस क्षेत्रमा शान्ति, स्थिरता र समृद्धिको नयाँ युगको शुरुवात गर्नेछ।’
इजरायलको तथ्यांकअनुसार गत वर्ष इजरायल र यूएईबीचको द्विपक्षीय व्यापार करिब ९० करोड डलरको थियो। यूएई इजरायलसँगको सम्बन्धलाई सामान्य बनाउने पहिलो खाडी राष्ट्र थियो। दुई देशबीचको स्वतन्त्र व्यापार सम्झौताको वार्ता नोभेम्बरमा शुरु भएको थियो र चार चरणको वार्तापछि टुंगिएको थियो।
