काठमाडौँ । काठमाडौँ महानगरका नवनिर्वाचित मेयर बालेन साहले आफ्नो भिजन पूर्ण रूपमा लागु गरी सम्पन्न गर्ने बताएका छन् ।

शुक्रबार बिहान निर्वाचन अधिकृत कार्यालयले आयोजना गरेको बधाई तथा शुभकामना कार्यक्रममा उनले निर्वाचनको परिणामलाई सुरूवातको रूपमा लिएको प्रतिक्रिया दिए ।

‘निर्वाचनको परिणाम जुन आएको छ, यसलाई हाम्रो विजयभन्दा हाम्रो कार्यको सुरूवात हुनेछ,’ उनले भने, ‘अबको पाँच वर्ष आफ्नो भिजन र एजेण्डालाई कार्य सम्पन्न गर्ने छु ।’

उनले आफूले काठमाडौं महानगरलाई एउटै परिवारका रूपमा लिएको बताएका छन् । यस्तै, काठमाडौंलाई विश्वकै सुन्दर र उत्कृष्ट सहर बनाउने बताए ।