काठमाण्ड- लगातारको वर्षासँगै सप्तकोशी नदीमा पानीको बहाव बढेपछि कोशी ब्यारेजका ४३ वटा ढोका खोलिएका छन्।

ब्यारेजमा पानीको बहाव बढ्दै गएपछि जोखिम न्यूनीकरणका लागि ढोका खोलिएको हो। हाल कोशी ब्यारेजमा ३ लाख १६ हजार ७९५ क्युसेक पानीको बहाव पुगेको बताइएको छ।

नदीमा पानीको सतह र बहाव निरन्तर बढिरहेको अवस्थामा कोशी आसपासका तटीय क्षेत्रका बासिन्दालाई सतर्क रहन आग्रह गरिएको छ। प्रशासन तथा सम्बन्धित निकायले नदीको बहावको अवस्थालाई निरन्तर निगरानी गरिरहेको जनाइएको छ।