काठमाडौँ । गत वैशाख ३० गते सम्पन्न स्थानीय तहको निर्वाचनमा कञ्चनपुरको दोधारा चाँदनी नगरपालिका ७ मा श्रीमान श्रीमती नै विजयी भएका छन् । उनीहरू वडा सदस्य पदमा विजयी भएका हुन् ।

विजयी हुनेमा सन्दीप उपाध्याय र कमला उपाध्याय छन् । उनीहरू फरक फरक पार्टीबाट विजयी भएका हुन् ।

सन्दीपले नेकपा एमालेबाट र कमलाले नेपाली कांग्रेसबाट वडा सदस्यमा उम्मेदवारी दिएका थिए । जसमा सन्दीपले खुला सदस्यबाट चुनाव लडेर ७५५ र कमलाले महिला सदस्य पदबाट चुनाव लडेर ७९२ मत ल्याएका हुन् ।