काठमाडौँ । प्रधानमन्त्री शेरबहादुर देउवाले फोन गरेर पार्टीका वरिष्ठ नेता डा. शेखर कोइरालालाई भरतपुरमा आउन आग्रह गरेका छन् । भरतपुरको सभालाई सम्बोधन गर्न पुगेका कांग्रेसका सभापतिसमेत रहेका देउवाले कोइरालालाई फोन गरेका हुन् ।
तर, कोइरालाले आफूलाई ढिलो खबर आएको भन्दै पूर्वनिर्धारित कार्यक्रमका लागि विराटनगरमा व्यस्त भएकाले भरतपुर नआउने बताएका छन् ।
सत्ता गठबन्धनले आज भरतपुरमा आम सभा गर्ने तयारी गरिरहेको छ । त्यसका लागि प्रधानमन्त्री देउवासहित नेता रामचन्द्र पौडेल भरतपुर पुगेका छन् ।
सत्ता गठबन्धनका लागि नेकपा माओवादी केन्द्रको तर्फबाट भरतपुर महानगरको मेयरमा उम्मेदवारी दिएकी रेणु दाहालसहित कांग्रेस नेता कार्यकलाईलाई सम्बोधन गर्न प्रधानमन्त्री देउवा चितवन पुगेका हुन् ।
भरतपुरमा रहेका प्रधानमन्त्री देउवा र नेता पौडेलले कांग्रेसबाट स्वतन्त्र उम्मेदवारी दिएका जगन्नाथ गौतमलाई गठबन्धनकी मेयरका उम्मेदवार दाहाललाई सहयोग गर्न आग्रह गरेका थिए ।
यस क्रममा नेता पौडेल उम्मेदवार पौडेलको निवास पुगेका थिए ।