नयाँदिल्ली- भारतीय अभिनेत्री नीतू कपूरले छोरा रणवीरले दिवंगत बुवा ऋषि कपूरलाई धेरै सम्झिने बताएकी छन्।

नीतूका अनुसार कपूर परिवारले दिवंगत ऋषि कपूरलाई नसम्झिएको कुनै क्षण हुँदैन। साथै उनले ऋषिले संसार त्यागेको ६ महिनासम्म आफ्ना लागि कठिन समय रहेको जनाएकी छन्।

उनले एक भारतीय सञ्चारमाध्यममा भनेकी छन्, ‘रणवीरले ऋषिलाई धेरै मिस गरिरहेका हुन्छन् । रणवीरले मोबाइल स्क्रिनसेभरमा पनि पिता ऋषिको तस्बिर राखेका छन्। उसको आँखामा बुवाप्रतिको माया देख्छु तर उनी मेरा निम्ति आफू बलियो भएको देखाउँछन्।’

नीतूलाई चाँडै नै बालबालिकाको डान्स रियालिटी सो ‘डान्स दिवाने जुनियर्स’मा जजको रूपमा टेलिभिजनमा देख्न सकिनेछ।