काठमाडौँ । अमेरिकाकी उपराष्ट्रपति कमला ह्यारिस कोरोना भाइरसबाट संक्रमित भएकी छन् ।

कोरोनाको शंका लागेसँगै मंगलबार कोरोना परीक्षण गरिएकोमा उनको संक्रमण पुष्टि भएको सरकारी अधिकारीले जानकारी दिएका छन् ।

‘उहाँलाई कुनै ठोस लक्षण देखिएको छैन, कुनै स्वास्थ्य समस्या पनि भएको छैन, तर आइसोलेसनमा भने बस्नु भएको छ,’ उनका प्रवक्ताले भने ।

प्रवक्ताले जारी गरेको वक्तव्यमा उपराष्ट्रपति ह्यारिसले निवासमै आइसोलेसनमा बसे पनि भित्रै बसेर गर्न मिल्ने कतिपय काम निरन्तर गरिरहेकी छन् ।

उनी राष्ट्रपति जो वाइडेन तथा प्रथम महिलासँग भौतिक निकटतामा भने नरहेको प्रवक्ताले जानकारी दिएका छन् ।