ललितपुर । नेपाली कांग्रेसले ललितपुर महानगरपालिकाको मेयरमा चिरिबाबु महर्जनलाई उठाउने भएको छ । उनी यसअघि पनि कांग्रेसबाट मेयरमा विजयी भएका थिए ।

कांग्रेस सभापति शेरबहादुर देउवाले सोमबार बिहान महर्जनलाई टिकट दिने पक्का गरेका हुन् । पार्टीले महानगर र उपमहानगरको उम्मेदवार छनोट गर्ने जिम्मा सभापति शेरबहादुर देउवालाई दिएको थियो ।

ललितपुरको मेयरका लागि कांग्रेसबाट महर्जनसँगै प्रेमकृष्ण महर्जन र चन्द्र महर्जनको नामसमेत रहेको थियो ।