हिमाल राई

सशस्त्र प्रहरीको सुनसरी चतरास्थित बेस क्याम्पको गस्ति टोलीले बराहक्षेत्र नगरपालिका–२ जब्दी सप्तकोशी नदी किनारबाट बेवारिसे अवस्थामा रहेको काठ बरामद गरेको छ।

सशस्त्र प्रहरी निरीक्षक निगम राईको नेतृत्वमा रहेको टोलीले २४ चैत राति १० बजे २२.०९ क्युफिट १७ थान विभिन्न साइजका सखुवाको काठ बरामद गरेको हो।

उक्त काठ बराह सब-डिभिजन वन कार्यालय चतरालाई आवश्यक कारवाहीका लागि बुझाइएको सशस्त्र प्रहरीले जनाएको छ। उक्त काठको बजार मूल्य एक लाख २१ हजार रुपैयाँ हुन सक्ने सशस्त्र प्रहरीको भनाइ छ।