काठमाडौं- रामेछाप मन्थली नगरपालिका-१ बसपार्कमा रामेछाप नगरपालिका-२ देउराली बस्ने ४८ वर्षीय बोध बहादुर बस्याल सोमबार मृत अवस्थामा फेला परेका छन् ।

बाँके कोहलपुर नगरपालिका-५ बेलनपुर बस्ने सल्यान कुमाख गाउँपालिका-४ घर भएका १६ वर्षीय हिम बहादुर खत्री बेलनपुरस्थित किरणनाला खोलामा सोमबार मृत अवस्थामा फेला परेका छन् । शनिबारदेखि हराएका उनको खोजी गर्ने क्रममा उक्त खोलामा शव फेला परेको हो ।

बर्दिया ठाकुरबाबा नगरपालिका-१ भुरीगाउँ बजारस्थित डेरामा बस्ने ७१ वर्षीया तुलसा भण्डारी आफ्नै कोठामा सोमबार मृत अवस्थामा फेला परेकी छन् ।

रोल्पा सुनिलस्मृती गाउँपालिका-३ रोईनिवाङस्थित लुङ्ग्री खोलामा हाल नाम, थर, वतन नखुलेका करिब ४० वर्षीय पुरुष सोमबार मृत अवस्थामा फेला परेका छन् ।