काठमाडौँ । काठमाडौँको बूढानीलकण्ड नगरपालिका १० स्थित कपनको आकाशेधारमा आफ्नै श्रीमतीको हत्या प्रयास गर्ने व्यक्ति पक्राउ परेका छन् ।

शुक्रबार राति सिरहा जिल्लाको लाहान नगरपालिका स्थायी घर भएका ४२ वर्षीय प्रविन चौधरीले ३० वर्षीय श्रीमती अस्मितालाई सुतिरहेको अवस्थामा आगो लगाइदिएका थिए । आगोलागीबाट घाइते भएकी उनको साँखुस्थित सुष्मा मेमोरियल अस्पतालमा उपचार भइरहेको महानगरीय प्रहरी परिसरका प्रवक्ता दिनेशराज मैनालीले जानकारी दिए ।

आगोलागीबाट उनको शरीरको विभिन्न भागमा पोलेको छ । घटनामा संलग्न चौधरीलाई प्रहरीले नियन्त्रणमा लिइसकेको छ ।