भक्तपुरको मध्यपुर थिमी नगरपालिका–३ कौशलटारमा ट्रयाक्टरबाट खसेर एक किशोरको मृत्यु भएको छ। उदयपुरको गाईघाटका १८ वर्षीय प्रदीप कार्कीको मृत्यु भएको महानगरीय प्रहरी परिसर भक्तपुरले जनाएको छ।

बालुवा र सिमेन्ट घोल्ने मिक्सचर बोकेको ना ७ त २७७४ नम्बरको ट्रयाक्टरबाट उनी शुक्रबार राति खसेका थिए । खस्दा गम्भीर घाइते भएका उनको उपचारका लागि ट्रमा सेन्टर लाँदै गर्दा बाटोमै मृत्यु भएको हो।

उनी सवार ट्रयाक्टर काठमाडौंबाट भक्तपुरतर्फ जाँदै थियो। घटनापछि ट्रयाक्टर चालक झापा कन्काई नगरपालिका ५ का २७ वर्षीय रोशन गुरुङ प्रहरी नियन्त्रणमा छन्।