सुनसरी– सशस्त्र प्रहरी कार्यालय चतराले ठूलो परिमाणमा लोड गरिएको गाँजासहितको टेम्पु नियन्त्रणमा लिएको छ।

हिजो साँझ ६:३५ बजे सशस्त्र बेस क्याम्प चतराको ७ जनाको गस्ति टोलीले बराहक्षेत्र नगरपालिका-५ कालाबन्जर विशाल चोक हुँदै धरान जाने भित्रि सडकखण्डबाट को१ह ६७४२ नम्बरको टेम्पुमा लुकाइ छिपाई लोड गरे लाँदै गरेको अवस्थामा टेम्पु नियन्त्रणमा लिएको हो।

सशस्त्रको गस्ती टोलीलाई देखेपछि चालकले टेम्पु पल्टाएर फरार भएका थिए। चेकजाँच गर्ने क्रममा उक्त टेम्पुबाट ४ बोरा गाजा १०४ किलो ७३ ग्राम र टेम्पु बरामद गरेको सशस्त्र प्रहरी बेस क्याम्प चतराका निरीक्षक सकर कोइरालाको जानकारी दिए।

बरामत गाँजा र टेम्पुलाई इलाका प्रहरी कार्यालय, महेन्द्रनगर चक्रघट्टीलाई आवश्यक कारवाही लागि बुझाइएको निरीक्षक कोइरालाले बताए

बराहक्षेत्र नगरपालिका वडा नं १ रुट हुँदै र सप्तकोशी नदीबाट प्रतिबन्धित लागुपदार्थ तथा दुइ नम्बरी धन्दा(तस्करी) गर्नेहरूको लागि ट्रान्जिट पोइन्ट भईरहेको र लागुपदार्थ गाँजासहित बिरामी बोक्ने एम्बुलेन्स, भारतिय गाडी प्रयोग गरि ओसारपसार गरिरहेको अवस्थामा व्यक्तिहरू नेपाल प्रहरी र सशस्त्र प्रहरीले पटकपटक पक्राउ परेको घटनाले पुष्टि गरि गरेको वडा नं १ का अध्यक्ष किसन थापामगरले बताए।

उक्त प्रतिबन्धित लागु पदार्थ गाँजा भारततर्फ निकासी हुनसक्ने प्रहरीको अनुमान छ।