कैलाली– सुदुरपश्चिम प्रदेशका मुख्यमन्त्री एवं सुदूरपश्चिम प्रज्ञा-प्रतिष्ठानका कुलपति कमल बहादुर शाहले प्रादेशिक ललितकला प्रदर्शनीको उदघाटन गरेका छन। फागुन २० देखि २४ गतेसम्म आयोजना हुने प्रदर्शनीमा २ सय कलाकारका कला कृतिहरू राखिएका छन।
सुदूरपश्चिम प्रज्ञा-प्रतिष्ठान र नेपाल ललितकला प्रज्ञा-प्रतिष्ठानको संयुक्त आयोजनामा भैरहेको प्रदर्शनीमा नेपाल ललितकला प्रज्ञा-प्रतिष्ठानका कुलपति माननीय नारदमणि हार्तम्छालीको समेत उपस्थिति थियो।
यही फागुन २० देखि २४ सम्म धनगढीमा हुन लागेको प्रादेशिक ललितकला प्रदर्शनीमा निःशुल्क प्रवेशको ब्यबस्था रहेको सुदूरपश्चिम प्रज्ञा-प्रतिष्ठानका उपकुलपति डाक्टर टीएन जोशीले बताए।
सुदूरपश्चिममा पहिलो पटक हुन लागेको ललितकला प्रदर्शनीमा विशेष गरी हस्तकला, मूर्तीकला, लोककला र चित्रकला प्रदर्शनीमा राखिएको बताउदै उपकुलपति जोशीले प्रदर्शनी बिहान १० बजेदेखि ५ बजेसम्म हुने बताए।
