काठमाडौं- नेपाल जेसिजको बुटवलमा सम्पन्न ५० औं राष्ट्रिय महाधिवेशनमा धनगढी जेसिज वर्ष २००५ का अध्यक्ष नरनारायण शाह (मनु) सम्मानित भएका छन।

कांग्रेस प्रदेश कार्य समिति सुदूरपश्चिम प्रदेशका महामन्त्रीसमेत रहेका शाहलाई नेपाल जेसिजका राष्ट्रिय अध्यक्ष विकास मानन्धरले सम्मानित गरेका हुन्।

धनगढी जेसिजको सन् २००५ को अध्यक्ष रहेका बेला शाहले सामाजिक र राजनीतिक क्षेत्रमा उत्कृष्ट कार्य सम्पादन गरेको भन्दै सम्मानित गरेको नेपाल धनगढी जेसिजका निवर्तमान अध्यक्ष मोहन ओझाले बताए।

सम्मानित भएपछि शाहले यो सम्मानले सामाजिक तथा राजनीतिक क्षेत्रमा थप कार्य गर्न ऊर्जा मिलेको बताए।

शाह सन् २००५ को अध्यक्ष हुनुका साथै नेपाल जेसिजले आयोजना गर्ने विभिन्न कार्यक्रमहरूमा समेत सकृय सहभागिता जनाउँदै विभिन्न पदमा रही उत्कृष्ट कार्य गर्दै आएको नेपाल जेसिजले जनाएको छ।