काठमाडौं- मोरङ लेटाङ नगरपालिका-८ बस्ने अजय राईकी छोरी १२ वर्षीया करुणा राई सोही नगरपालिकास्थित हिरा सामुदायिक वनमा शुक्रबार मृत अवस्थामा फेला परेकी छन् । लेटाङ नगरपालिका-८ स्थित जाँते माध्यामिक विद्यालयमा कक्षा ६ मा अध्ययनरत उनी बुधबार स्कुलबाट घरतर्फ आउनेक्रममा हराई बेपत्ता भएको भन्ने खबर प्राप्त हुनासाथ खटिएको प्रहरीले खोजी गर्नेक्रममा उनको शव उक्त वनमा ढुङ्गाले छोपेर राखिएको अवस्थामा फेला परेको हो । घटनामा शंकास्पद ५ जनालाई अनुसन्धानको लागि प्रहरीले नियन्त्रणमा लिएको छ ।
महोत्तरी बर्दिवास नगरपालिका-४ विश्वकर्मा चोकस्थित श्रीबाबा विश्वकर्मा मोटरसाइकल वर्कसपको ग्यारेजभित्र सिन्धुली कमलामाई नगरपालिका-६ बस्ने ४४ वर्षीय धन कुमार लामा बिहीबार मृत अवस्थामा फेला परेका छन् ।
बर्दिया बढैयाताल गाउँपालिका-२ फुटाहा बस्ने ४० वर्षीय नारायण मल्ल आफ्नै घरभित्र सुतेकै ठाउँमा शुक्रबार मृत अवस्थामा फेला परेका छन् ।
मोरङ सुनवर्षी नगरपालिका-७ बरडंगा चैटा बस्ने ६० वर्षीय गंगा प्रसाद ताँती घर नजिकै रहेको पोखरीमा डुबेर शुक्रबार मृत अवस्थामा फेला परेका छन् ।
धनुषा जनकपुर उपमहानगरपालिका-२० स्थित माँ भवानी फिक्स इँटा उद्योगमा काम गरी बस्ने भारत घर भएका ३५ वर्षीय सहदेव बर्मा शुक्रबार मृत अवस्थामा फेला परेका छन् । मंगलबार रातिदेखि इँटा उद्योगबाट हराएर बेपत्ता भएका उनको खोजी गर्नेक्रममा सोही ठाउँस्थित जलाद खोलामा डुबेको अवस्थामा शव फेला परेको हो ।
सुनसरी रामधुनी नगरपालिका-९ छप्की पोखरी बस्ने ४५ वर्षीया सेवकी मोची शुक्रबार मृत अवस्थामा फेला परेकी छन् । घरमा कोही नभएको अवस्थामा घुर ताप्नेक्रममा घुरमा घोप्टो परी लडेर जलेको अवस्थामा उनको शव फेला परेको हो ।