काठमाडौं– श्रीलंकन क्रिकेटर दानुस्का गुणथिलाकाले बलात्कारको आरोपबाट सफाई पाएका छन्। उनले अष्ट्रेलियामा टी-२० विश्वकप खेल्न जाँदा लागेको बलात्कारको आरोपबाट सफाई पाएका हुन्।

अनलाइन डेटिङ एप्सबाट सम्पर्कमा आएकी महिलाले गुणथिलाकाले आफूलाई घरमा आएर बलात्कार गरेको आराेप लगाएकी थिइन्। स्थानीय जिल्ला अदालतले चार दिनसम्म चलेको सुनुवाईपछि गुणथिलाकालाई सफाई दिएकाे हाे।

पीडित भनिएकी युवतीले आफु सुरक्षित यौन सम्पर्कका लागि मात्र तयार भएको बताउँदै गुणथिलाकाले आफ्नाे अनुमति विना कन्डम निकालेर यौन सम्बन्ध राखेको दावी गरेकी थिइन्।

गुणाथिलाकाले भने सबै आरोपको खन्डन गर्दै पीडित भनिएकी युवतीसँग यौन सम्पर्क भएपनि कन्डम ननिकालेको उनले जिकिर गरेका थिए।