काठमाडौं- काठमाडौं तीनकुने गैरीगाउँमा चारजनाको हत्या भएको छ। हत्या हुनेमा दुई पुरुष र दुई महिला छन्।

प्रहरीका अनुसार गैरीगाउँस्थित दिव्य सः मिलभित्र खुकुरी प्रहार गरी हत्या भएको अवस्थामा चारजनाको शव फेला परेको हो।

मृत्यु हुनेमा दोलाखाका ५५ वर्षीय कुमार भुजेल, उनकी श्रीमती करिब ५० वर्षकी अम्बिका भुजेल र आमा सुमित्रा भुजेल छन्। उनीहरू सः मिलका कामदार थिए।

यस्तै, मोरङका १९ वर्षका नवीन राईको पनि हत्या भएको प्रहरीले जनाएको छ। मृतक राई सः मिलको सुरक्षा गार्ड थिए। घटना गएराति करिब १२ बजेतिर भएको प्रहरीको भनाइ छ।

धनकुटाका वर्ष २४ का दीपेन्द्र राईलाई प्रहरीले नियन्त्रणमा लिएको छ। घटनाको अनुसन्धान भइरहेको प्रहरीले जनाएको छ।