सुनसरी– १० दिनदेखि बेपत्ता भएका डाक्टर प्रज्वल कोइरालाको शव मंगलबार सुनसरीको बराहक्षेत्र-२ स्थित कोशी किनारमा भेटिएको छ।
डाक्टर काेइराला १० भाद्र आइतबार बेलुकी ड्युटी सकेर मदन भण्डारी ट्रमा सेन्टर उर्लाबारीबाट सवारीसाधन लिइ एक्लै निस्किएका थिए।
उनी बराहक्षेत्र, बेलका नगरपालिका जोडने सप्तकोशी पुलमा पुगेको सीसी टीभी फुटेजमा देखिएका थिए। बेलका वडा न ८ स्थित कोशी पुल नजिकै सवारी साधन, मोबाइल र जुत्ता छोडेर उनी बेपत्ता भएका थिए।
प्रहरीले आत्महत्या गरेको हुन सक्ने आशंकामा उनको खोजी कार्यमा सशस्त्र प्रहरी र नेपाल प्रहरी परिचालन गरिएकाे भएको थियो। मंगलवार बराहक्षेत्र नगरपालिका वडा नं. २ काे काेशी किनारमा उनकाे मृत शरिर भेटिएको हो।
माछा मार्ने र दाउरा खोज्न गएका स्थानियले व्यक्तिले वेवारिसे शव देखेपछि प्रहरीलाई खबर गरेका थिए।
प्रहरी पुगेर लाश हेरेपछि बेपत्ता डा. काेइरालाकाे शव हुनसक्ने भन्दै आफन्तहरूलाई बोलाएर देखाएकाे थियाे। मृतकका बुबा दिवाकर कोइराला र दमक नगरपालिका वडा नं १ का वडा अध्यक्ष हरि प्रसाद न्यौपानेले मृत शव डाक्टर कोइरालाकै भएकाे भन्दै पोष्टमार्टमपछि धरानकाे बीपी कोईराला स्वास्थ्य विज्ञान प्रतिष्ठानबाट शव बुझेकाे ससस्त्र प्रहरी वेश क्याम्प चतराका प्रहरी निरीक्षक देवेन्द्र रोक्काले बताए।
डाक्टर कोइराला मदन भण्डारी ट्रमा सेन्टर उर्लाबारीमा जनरल सर्जनको रुपमा कार्यरत थिए। ३२ बर्षीय हालसम्म अविवाहित थिए।
प्रेम सम्बन्ध असफल भए पछि कोशीमा हाम्फालेर आत्महत्या गरेको हुन सक्ने प्रहरीले प्रारम्भिक अनुमान गरेकाे छ।