काठमाडौं- सर्लाही चक्रघट्टा गाउँपालिका-४ सुन्दरपुर बस्ने नाजिर हुसेनको घरमा शुक्रबार राति आगलागी हुँदा घर पूर्णरूपमा जलेर करिब ३ लाख बराबरको धनमाल नष्ट भएको छ ।

सुनसरी भोक्राहा नरसिंह गाउँपालिका-६ बस्ने देब नारायण मेहताको गोठमा गएराति आगलागी भई छिमेकी महादेव मेहताको घरमा समेत आगलागी हुँदा गोठ र घर पूर्णरूपमा जलेर करिब ५ लाख रुपैयाँ बराबरको धनमाल नष्ट भएको छ ।

यसैगरी सुनसरी बराहक्षेत्र नगरपालिका-६ जब्दी बस्ने प्रेम भण्डारीको कुखुरा फर्म र घरमा शुक्रबार राति करेन्ट सर्ट भई आगलागी हुँदा कुखुरा फर्म र घर पूर्णरूपमा जलेर करिब १० लाख रुपैयाँ बराबरको धनमाल नष्ट भएको छ ।

पर्सा पर्सागढी नगरपालिका-५ स्थित हरदिया एकिकृत एग्रो कृषि फर्ममा बिद्युत सर्ट भई शनिबार दिउँसो आगलागी हुँदा करिब ३ लाख रुपैयाँ बराबरको धनमाल जलेर नष्ट भएको छ ।