काठमाडौं- कांग्रेसको १४ औँ महाधिवेशनअन्तर्गत मंगलबार भएको दोस्रो चरणको निर्वाचनको मतगणना राति १० बजेदेखि हुने भएको छ।

केन्द्रीय निर्वाचन समितिका सचिव तथा अधिवक्ता केशव रिजालले राति १० बजेदेखि मतगणना हुने जानकारी दिए। आज राति अबेरसम्म परिणाम आउने निर्वाचन समितिले जनाएको छ।

कांग्रेसको दोस्रो चरणमा सभापतिका लागि पहिलो चरणमा सबैभन्दा बढी मत ल्याएका शेरबहादुर देउवा र डा. शेखर कोइरालाबीच प्रतिस्पर्धा भएको छ।

पहिलो चरणमा सभापतिमा उम्मेदवारी दिएका प्रकाशमान सिंह, विमलेन्द्र निधि र कल्याण गुरुङले देउवालाई नै समर्थन गरेका छन्।