काठमाडाैं– भारतीय आजाद समाज पार्टी कांशीरामका राष्ट्रिय अध्यक्ष चन्द्रशेखर आजादमाथि युपीको सहारनपुरको देवबन्दमा गाेली प्रहार भएको छ।
कारमा सवार आजादलाई अर्को गाडीमा आएका आक्रमणकारीले गोली हानेका हुन्। गोली उनकाे कम्मरको एक भागलाई छोएर निस्किएको र उनको अवस्था सामान्य रहेको छ।
घाइते भएका चन्द्रशेखरले आक्रमणकारीलाई आफूले नचिनेको तर साथीले चिनेको बताएका छन्।
‘आक्रमणकारी कारमा सहारनपुर जाने बाटोतर्फ गए। त्यतिबेला हामीसँग एउटा मात्र कार थियो र सायद हामीसँग दुईवटा कार अगाडि पछाडि थिए। मेरो भाइ गाडि चलाइरहेकाे थियो र उसहित पाँच जना थियाैँ।
‘मेरो सहकर्मी डाक्टरलाई पनि गोली लागेको छ। मलाई धेरै याद छैन। म आत्तिएकाे थिँए। मैले सहारनपुरका एक वरिष्ठ अधिकारीलाई फोन गरें र उनलाई भने कि ममाथि हमला भएको र गोली लागेकाे छ।”
चन्द्रशेखर आजादले आफूले एसएसपी सहारनपुरलाई फोन गरेर घटनाबारे जानकारी दिएको बताए।
उनलाई कसैमाथि शंका छ कि भनेर सोधिएको प्रश्नमा चन्द्रशेखरले कसैसँग आफ्नो झगडा नभएको बताएका छन्।
