सिन्धुली- केही दिनदेखि गर्मी बढेपछि जिल्लाको दुधौली नगरपालिकाले विद्यालय बन्द गरेको छ।

गर्मीका कारण पठनपाठनमा समस्या भएको जनाउँदै नगरपालिकाले एक साताका लागि विद्यालयमा गर्मी बिदा दिएको हो।

नगरप्रमुख दिनेश अधिकारीले गर्मीका कारण पठनपाठनमा समस्या भएको जनाउँदै सामुदायिक र संस्थागत विद्यालय बन्द गर्न निर्देशन दिएको बताए। हाल सञ्चालन भइरहेको कक्षा ११ को परीक्षा भने यथावत रहने उनले बताए।