काठमाडौं- सरकारले ग्रेट हिमालयन ट्रेलको निर्माण अगाडि बढाउने भएको छ।

प्रतिनिधिसभा र राष्ट्रियसभाको संयुक्त बैठकमा आगामी आर्थिक वर्ष ०८०-८१ को बजेट प्रस्तुत गर्दै अर्थमन्त्री प्रकाशशरण महतले उक्त जानकारी दिएका हुन्।

कोशी प्रदेशको ताप्लेजुङदेखि सुदूरपश्चिमको दार्चुला जोड्ने उक्त पदमार्गलाई व्यवस्थित बनाउन सरकारले पहलकदमी लिने भएको हो।

नेपालका उच्च हिमशिखरको फेदीबाट अगाडि बढ्ने ग्रेट हिमालयन ट्रेल सरकारी पहलमै व्यवस्थापन गर्ने घोषणा अर्थमन्त्री महतले गरे।