काठमाडाैं– काठमाडौंकाे चन्द्रागिरिमा एक महिलाले आफ्नै शरीरमा आगो लगाएर आत्महत्या गरेकी छन्।

रामेछापको मन्थली नगरपालिका-६ भलुवाजोर घर भई हाल काठमाडौं चन्द्रागिरि नगरपालिका-९ मच्छेगाउँ बस्दै आएकी ३६ वर्षीय शान्ति श्रेष्ठले आफ्नै शरीरमा आगो लगाएर आत्महत्या गरेको प्रहरी उपरीक्षक सीताराम रिजालले जानकारी दिए।

उनी मच्छेगाउँकै प्रहरी प्रभागमा कार्यरत एक प्रहरी हवल्दारकी श्रीमती रहेकाे जानकारी प्राप्त भएकाे छ।

श्रेष्ठले शुक्रवार दिउँसो पौने ३ बजे पेट्रोल छर्केर आफ्नै शरीरमा आगो लगाएकी थिइन्। अचेत अवस्थामा उद्धार गरिएकी उनकाे उपचारका क्रममा कीर्तिपुर बर्न अस्पतालमा आज बिहान मृत्यु भएको प्रहरीले जनाएकाे छ।

प्रहरीले घटनाबारे थप अनुसन्धान भइरहेको जनाएको छ।