मेष- अरूको विश्वासमा नपर्नु राम्रो हुनेछ, अन्यथा धोका पाइने छ। चोटपटकको भय रहेकाले सवारी साधनमा यात्रा गर्दा सावधानी अपनाउनु होला। रोकिएका काम धमाधम सम्पादन होलान्।
वृष- जे गर्दै हुनु हुन्छ, त्यस कामलाई निरन्तरता दिनु होला। नयाँ काममा भने हात हाल्ने समय छैन। अचल सम्पत्तिबाट लाभ हासिल होला। प्रतिष्ठित काम गर्ने अवसर प्राप्त होला।
मिथुन- आज कतै अतिथि बन्ने अवसर पाइएला। विवेकको प्रयोग मार्फत कामहरू बन्ने छन्। कुनै जोरजबर्जस्ती नगर्नु होला, नत्र काम बिग्रिने छ।
कर्कट- चुनौतीपूर्ण काम गर्ने अवसर आउला। कठिन परिश्रमपछि मात्र सफलता प्राप्त होला। आश्वासन दिएर तपाईंलाई प्रयोग गर्न खोज्नेहरूसँग सावधान रहनु होला।
सिंह- आजको दिन कीर्तिमानी काम गर्ने अवसर प्राप्त होला। कसैलाई अनावश्यक बचन नदिनु होला, नत्र दुःख पाइने छ। काम बिग्रिने जोखिम छ, सतर्कता अपनाउनु होला।
कन्या- दाम्पत्य जीवन सुखमय रहने छ। प्रेमको बन्धन कसिलो बन्ने छ। आम्दानीका स्रोतहरू बढ्ने छन्। अध्ययन अध्यापन सफल रहला।
तुला- कठिन परिश्रमका बावजुद कमजोर उपलब्धी हासिल होला। श्रमको उचित मूल्य नपाइन सक्छ। खासगरी, गुरुजनको विशेष सहयोग प्राप्त होला।
वृश्चिक- अनावश्यक खर्चबाट बच्नु होला। नयाँ काममा हात हाल्ने समय छैन। सोख पूरा गर्नतिर लाग्दा खर्च बढ्ने छ।
धनु- आज गरेका प्रयासमा सफलता प्राप्त नहोला। सहयोगको आशा देखाएर झुक्याउनेहरूबाट सावधान रहनु होला। व्यावसायिक कामहरू धमाधम सम्पादन हुने छन्।
मकर- आज दीर्घकालीन योजनाहरू तयार हुने छन्। एउटै कामबाट प्रशस्त फाइदा हुने योग छ। दुश्मनहरू पराजित हुने छन्।
कुम्भ- विशेष जिम्मेवारी प्राप्त हुने समय छ। सामाजिक काममा मन जानेछ। श्रमको उचित मूल्य नपाइएला। परिश्रमको तुलनामा उपलब्धी कम होला।
मीन- कुनै त्रुटि बिना नै आरोप लाग्न सक्छ। शत्रुहरू सल्बलाएका छन्, सतर्क रहनु होला। आफ्ना सबै प्रकारका योजना गोप्य राखेर अगाडि बढ्नु होला।