मेष- नयाँ काम थालनी हुन सक्छ। प्रणय सम्बन्धका लागि श्रेष्ठ समय छ। व्यापार, व्यवसाय मध्यम रहने छन्। सहजै अरूको विश्वास जित्न सकिने छ।
वृष- कला र गलाको प्रभाव बढ्ने छ। विशिष्ट व्यक्तित्वको मन जित्न सकिने छ। व्यापारबाट राम्रो नाफा प्राप्त हुनेछ। अधुरा काम फटाफट सम्पादन हुने छन्।
मिथुन- आज अचल सम्पत्ति आर्जन हुने योग छ। लामो समयको प्रेमलाई विवाहमा परिणत गराउन सकिएला। मनमा शान्ति छाउने छ।
कर्कट- आर्थिक संकट पार लाग्दै जाला। आफ्नै क्षमताले जटिल कामहरू सम्पादन हुने छन्। आजको दिन दाम्पत्य जीवन सुमधुर रहने छ।
सिंह- सामाजिक र राजनीतिक काममा अवरोध उत्पन्न हुन सक्छ। अनावश्यक खर्चले सताउला। मितव्ययी रहनु उचित हुनेछ। विशिष्ट व्यक्तिहरू तपाईंको मिहिनेती स्वभावबाट प्रभावित बन्लान्।
कन्या- साझेदारी व्यवसाय त्यति लाभदायक नरहला। तथापि, आफ्ना इच्छा पूरा गर्न सकिएला। समग्रमा दिन सकारात्मक रहला।
तुला- आजको दिन साझेदारी व्यवसायले प्रशस्त नाफा आर्जन होला। वैदेशिक काम पनि सहजै सम्पादन होलान्। विवादको योग रहेकाले तौलिएर मात्र बोल्नु होला।
वृश्चिक- दीर्घकालीन योजनाहरू गोप्य राखेर अगाडि बढ्नु होला। लगनशील र मिहिनेती स्वभावले सफलता दिलाउला। एकपछि अर्को अवसरले पछ्याउलान्।
धनु- आजको दिन अनुकुल छ। रमणीय यात्राको अवसर मिल्न सक्छ। आम्दानीका स्रोत बढ्न सक्छन्। समग्रमा दिन रमाइलोमा बित्ने छ।
मकर- दाम्पत्य जीवन सुखमय रहला। व्यावसायिक काम सहजै सम्पादन होलान्। लामो यात्रामा निस्किने अवसर प्राप्त हुन सक्छ। अधुरा काम अगाडि बढ्न सक्छन्।
कुम्भ- अधिकार प्राप्तिका लागि हुने संघर्षमा विजयश्री प्राप्त होला। ठीक समयमा सही निर्णय लिन नहिचकिचाउनु होला। दिन मिश्रित फलदायी रहला।
मीन- आजको दिन अनावश्यक खर्चबाट बच्नु उत्तम हुनेछ। आफ्नो विचार विपरीत निर्णय हुन सक्छ। शैक्षिक, धार्मिक र सांस्कृतिक क्रियाकलाप सफल रहलान्।