मुम्बई- विवादमा परेको बलिउड फिल्म ‘द केरला स्टोरी’ले रिलिज भएको ३ दिनमा ३६ करोड भारतीय रुपैयाँ कमाएको छ।

यो सिनेमाले रिलिजको पहिलो दिन ८.०३ करोड, दोस्रो दिन १२.५० करोड र तेस्रो दिन १६ करोड भारतीय रुपैयाँ आर्जन गरेको हो।

केरलाबाट बेपत्ता भएकी युवतीलाई जबर्जस्ती इस्लाम धर्म अँगाल्न बाध्य बनाइएको कथावस्तुका कारण यो सिनेमा विवादमा परेको छ। फिल्म निर्माण पक्षले त्यसलाई सत्य घटनामा आधारित बताएको छ।

भारतका कतिपय राज्यले यो फिल्मलाई कर छुट दिने घोषणा गरेका छन् भने कतिपय राज्यमा फिल्म चल्न नदिने बताइएको छ।