लसएन्जसलस– अमेरिकाको हलिउडस्थित टेलिभिजन र सिनेमाका लेखकहरू इतिहासमै दाेस्राेपटक हडतालमा उत्रेका छन्।
धेरै स्टुडियोमा तलबसँग सम्बन्धित माग पूरा नभएपछि उनीहरू हडतालमै उत्रिएका हुन्।
पछिल्ला १५ वर्षमा पहिलोपटक राइटर्स गिल्ड अफ अमेरिकाका ९ हजार लेखकहरू हडतालमा उत्रिएका हुन्।
त्यो भनेको राइटर्स गिल्ड अफ अमेरिकाका ९८ प्रतिशत भोटिङ मेम्बरहरूले काम बहिष्कार गरेका छन्।
हडतालका कारण धेरै लेट नाइट सोहरूमा असर पर्नेछ। त्यसबाहेक केही फिल्म प्रदर्शनमा पनि ढिलाइ हुनेछ। स्थानीय समयअनुसार मंगलबार अपराह्नदेखि उनीहरूले हडताल शुरु गरेका हुन्।
यसअघि सन् २००७ मा पनि लेखकहरूले १०० दिनसम्म हडताल गरेका थिए। त्यसबाट दुई अर्ब डलर नोक्सानी भएको थियो।
यसपटक लेखकहरूको झगडा एलायन्स मोसन पिक्चर एन्ड टेलिभिजनसँग छ। यसले डिजनी र नेटफ्लिक्सजस्ता ठूलो स्टुडियोको प्रतिनिधित्व गर्छ।
लेखकहरूले स्ट्रिमिङ प्लेटफर्महरूबाट अधिक तलब र ज्यादा नाफा सेयरिङ माग गरेका छन्।
