काठमाडौं– नेपालले एसीसी प्रिमियर लिगको फाइनलमा यूएईलाई हराउँदै यस वर्ष पाकिस्तानमा हुने भनिएकाे एसिया कप क्रिकेटमा आफ्नो स्थान सुरक्षित बनाएको छ।

बर्षाको कारण प्रभावित भई हिजो र आज दुईदिन गरि भएको फाइनलमा यूएईलाई ७ विकेटले हराउँदै नेपाल दोस्रोपटक एसिया कपका लागि छनोट भएको हो।

यूएईले दिएको ११७ रनको लक्ष्य नेपालले ३०.३ ओभरमा पुरा गरेको हो।

नेपालको २२ रनमै तीन विकेट गुमेको अवस्थाबाट उकास्दै गुल्शन झाले अर्धशतकीय पारी खेले।

नेपालकाे जितमा गुल्शन झा र भीम सार्कीले राम्रो साझेदारी गर्दै नेपाललाई एसिया कपमा पुर््याएका हुन्।