भारतका‍े मध्यप्रदेश इन्दोरकी ३४ वर्षीया एक महिलाले ब्युटिपार्लर जान नपाउँदा आत्महत्या गरेकी छन्।

श्रीमानले ब्युटिपार्लर जाने अनुमति नदिएपछि गत बिहीबार रीना यादवले आत्महत्या गरेकी प्रहरीले जनाएको छ।

पन्ध्र वर्षअघि बलराम यादवसँग विवाह बन्धनमा बाँधिएकी रीनालाई बलरामले ब्युटिपार्लर नजानू भनेका थिए।

रीनाले ब्युटिपार्लर जान अनुमति माग्दा बलरामले त्यसलाई अस्वीकार गरेका अनुसन्धान अधिकृत उमाशङ्कर यादवले बताएका छन्।

बिहीबार साँझ कामबाट घरफर्केका बलरामले रीनालाई कोठामा झुन्डिएको अवस्थामा भेटेपछि प्रहरीलाई खबर गरेका थिए।