काठमाडौं- नेपालका स्पिनर सन्दीप लामिछानेले दुर्लभ कीर्तिमान बनाएका छन्।
उनले एकदिवसीय अन्तराष्ट्रिय (ओडिआई) क्रिकेटमा एक सय विकेट पूरा गरेर दुर्लभ कीर्तिमान बनाएका हुन्।
एसीसी प्रिमियर कपमा ओमानविरुद्धको खेलमा विकेट लिएसँगै सन्दीपले एक सय विकेट पूरा गरेका हुन् । उनले एकदिवसीय अन्तराष्ट्रियमा सर्वाधिक छिटो एक सय विकेट पूरा गर्ने विश्व कीर्तिमान समेत आफ्नो नाम गरेका छन् ।
उनले एक विकेट लिएपछि ४२ खेलमै १०० विकेट लिएर कीर्तिमान बनाएका हुन् ।
यस अघि एकदिवसीय अन्तराष्ट्रियमा सर्वाधिक कम खेलमा एक सय विकेट लिने कीर्तिमान अफगानिस्तानका राशिद खानको नाममा रहेको थियो । खानले ४४ एकदिवसीय अन्तराष्ट्रिय खेलमा एक सय विकेट पूरा गरेका थिए ।
सन्दीप नेपालका लागि एकदिवसीय अन्तराष्ट्रियमा सर्वाधिक विकेट लिने खेलाडी हुन् ।
सन्दीप पछि नेपालबाट एकदिवसीय अन्तराष्ट्रिय खेलमा सर्वाधिक विकेट सोमपाल कामीले लिएका छन् । सोमपालले ४४ खेलमा ६१ विकेट लिएका छन् ।
