मेष- आज मान प्रतिष्ठा प्राप्त हुने समय छ। प्रेम र मित्रताको बन्धन अझ बलियो बन्नेछ। स्वादिष्ट व्यञ्जनमा रमाउन पाइएला।
वृष- अनावश्यक आरोप लगाएर तपाईंलाई नराम्रो बनाउने दुष्टहरूसँग बच्नु होला। लगानी धेरै हुनेछ तर फाइदा कम। अवसरको खोजीमा दौडधुप हुन सक्छ।
मिथुन- मिहिनेती स्वभावका कारण नयाँ काम हात पर्न सक्छ। अधुरा कामहरू फटाफट सम्पन्न होलान्। आम्दानीका स्रोत बढ्ने छन्।
कर्कट- आज भूमि, वाहन र पैत्रिक सम्पत्तिबाट लाभ हासिल हुन सक्छ। अरूलाई प्रभावित पारेर काम लिन सकिने समय छ। सामाजिक कामबाट नाम, दाम र इनाम प्राप्त हुने योग छ।
सिंह- आश देखाउनेहरूले धोका दिने छन्। व्यावसायिक खर्च बढेर जाला। अरूकै काममा समय दिनु पर्दा आफ्नो काम बिग्रिन सक्छ। परोपकारजन्य क्रियाकलापमा व्यस्त रहनु पर्ला।
कन्या- आजको दिने खासै राम्रो छैन। गरेका प्रयास सफल नहुन सक्छन्। उपलब्धी न्यून रहला। नयाँ काम प्राप्त गर्न केही समय प्रतीक्षा गर्नुपर्ने देखिन्छ।
तुला- आज विवादमा पर्ने योग रहेकाले तौलिएर मात्र बोल्नु होला। त्यसका बावजुद व्यावसायिक रमणीय यात्रामा मन रमाउला। आम्दानी बढ्नेछ।
वृश्चिक- आजको दिन तपाईंको सम्पत्ति हत्याउने प्रयास हुनेछ। तर, सचेत रहँदा त्यो प्रयास असफल हुनेछ। व्यापार, व्यवसायमा राम्रो नाफा आर्जन होला।
धनु- आज अप्ठ्यारा परिस्थितिहरूसँग सम्झौता गर्नु पर्ला। तर, गुरुजनको साथ लिने प्रयास गर्नुभयो भने ती परिस्थिति टाढा भाग्न सक्छन्। बुद्धिको उपयोग र विवेकपूर्ण निर्णयले लक्ष्य पहिल्याउन सकिएला।
मकर- दीर्घकालीन र महत्त्वाकांक्षी योजनाहरूमा गोपनीयता कायम राख्नु होला। अरूको भर पर्दै नपर्नु उचित हुनेछ। परिवारसँग असमझदारी बढ्ने कुरामा सचेत रहनु होला।
कुम्भ- आजको दिन शत्रुलाई पराजित गर्ने समय छ। अधुरा कामहरू फटाफट सम्पादन हुने छन्। प्रशस्त सम्पत्ति आर्जन गर्न सकिएला। विगतको मिहिनेतको प्रतिफल पाइने छ।
मीन- गलत अर्थ लाग्ने भएकाले आजको दिन तौलेर मात्र बोल्नु होला। तपाईंकै कमजोरीका कारण दुःख पाइन सक्छ। साथीभाइ र आफन्तजन टाढिन सक्छन्।