काठमाडौं- विश्व खेलकुदमा उत्कृष्ट खेलाडी हुन त्यति सजिलो छैन। खेलाडी सफल हुनका लागि कति मिहिनेत गर्नुपर्छ, अहिलेका महान खेलाडी लियोनल मेस्सीलाई हेरे पुग्छ। अर्जेन्टिनाको रोसारियो शहरमा सन् १९८७ मा जन्मेका सुपर स्टार खेलाडी मेस्सीले अब जित्न नसकेको उपाधि कुनै रहेन।
सबै उपाधि जितिसकेका मेस्सीले विश्वकप मात्रै जित्न बाँकी थियो। त्यो पनि गत वर्ष पूरा गरेका छन्। तर, ‘लिटिल म्याजिसियन’को उपमा पाएका मेस्सीको विश्वकप उपाधिसम्मको यात्रालाई फर्केर हेर्ने हो भने कुनै फिल्मको कहानीभन्दा कम छैन।
तर, अहिले उनी सफल लयमा छन्। आफ्नो क्लब करिअरमा मेस्सीले प्रत्यक्ष रूपमा एक हजार गोलमा योगदान दिएका छन्। आइतबार बिहान भएको लिग वानमा पेरिस सेन्ट-जर्मेनले नान्टेसलाई ४-२ ले पराजित गर्दा मेस्सीले आफ्नो ७०१ औं क्लब गोल गरे।
यसबाहेक, ३५ वर्षीय खेलाडी मेस्सीले फ्रान्स र स्पेनको लिग १ र ला लिगामा २९९ गोलमा योगदान दिएका छन्। मेस्सीले सन् २००४ मा डेब्यु गरेदेखि हालसम्म बार्सिलोना र पीएसजीका लागि ७०१ गोल र २९९ असिस्ट गरेका हुन्। उनले आफ्नो क्लब करिअरको दौरान प्रतिखेल १.१९ गोल वा असिस्ट गरेका छन्। यससँगै उनको उत्कृष्ट गोल स्कोरर हुनुका साथै उत्कृष्ट प्लेमेकर पनि भएका छन्। हाल उनले १००० गोलमा योगदान दिइसकेका छन्। अब च्याम्पियन्स लिगमा बायर्न म्युनिखविरुद्ध गोल गरे वा सहयोग गरेमा थप दुई कीर्तिमान बनाउन सक्छन्।
त्यो उपलब्धीलाई आधार मान्ने हो भने क्रिस्टियानो रोनाल्डोलाई उछिनेका छन्। उनले हाल क्लबका लागि २००२-०३ मा क्लब प्रवेश गरेदेखि क्लब करिअरमा ९१२ मात्र गोल वा सहयोग गरेका छन्। उनको मेस्सीभन्दा ८८ कम छ।
त्यसैले १००० को माइलस्टोन तोड्ने सबै श्रेय मेस्सीलाई जान्छ, जुन आधुनिक युगमा युरोपका शीर्ष पाँच लिगका कुनै पनि खेलाडीले गर्न सकेका छैनन्। मेस्सीको फिनिसिङ पनि उनले पछिल्लो पाँच खेलमा गरेको पाँचौं गोल हो र उनी हाल आफ्नो पीएसजी करिअरमा सन् २०२१ मा बार्सिलोनाबाट बाहिरिएदेखि नै फर्ममा छन्।
लियोनल मेस्सीको गोल योगदान
एफसी बार्सिलोना
म्याच : ७८८
गोल : ६७२
असिस्ट : ३०३
पीएसजी
म्याच : ६९
गोल : २९
असिस्ट : ३१
