काठमाडौं- फिफा वरीयतामा नेपालले एक स्थान सुधार गरेको छ। विश्व फूटबल महासंघ (फिफा) ले आज सार्वजनिक गरेको पुरुष फूटबल टोलीको नयाँ वरियतामा नेपालले एक स्थान सुधार गरेको हो।

नेपाल ९६३ अंकसहित १७४औं स्थानमा पुगेको छ। यसअघि नेपाल १७५औं स्थानमा थियो।

नेपाल दक्षिणएशियाली देश भुटान, बाङ्लादेश, पाकिस्तान र श्रीलंकाभन्दा माथि छ। भुटान १८५औं, बाङ्लादेश १९२औं, पाकिस्तान १९५औं र श्रीलंका २०७औं स्थानमा छन्।

यस क्षेत्रका अफगानिस्तान, मालदिभ्स र भारत नेपालभन्दा माथि छन्।