काठमाडौं- अर्जेन्टिना ६ वर्षपछि फिफा वरीयताको शीर्ष स्थानमा उक्लिएको छ । कतार विश्वकपपछि भएको मैत्रीपूर्ण खेलमा पानामालाई २–० र क्युराकाओलाई ७–० ले पराजित गरेपछि अर्जेन्टिना विश्व फुटबलको सर्वोच्च निकाय फिफा वरीयताको शीर्ष स्थानमा उक्लिएको हो ।

यसअघि अर्जेन्टिना सन् २०१६ को अप्रिलदेखि सन् २०१७ को अप्रिलसम्म वरीयताको शीर्ष स्थानमा थियो ।

यसअघि ब्राजिल पहिलो स्थानमा थियो । मैत्रीपूर्ण खेलमा मोरोक्कोसँग २–१ ले पराजित भएपछि ब्राजिलको वरीयता तेश्रोमा पुगेको हो । फ्रान्स दोस्रो स्थानमा उक्लिएको छ । फ्रान्स यसअघि वरीयताको तेस्रो स्थानमा थियो ।