काठमाडौं- धरान उपमहानगरपालिकाका मेयर हर्क साम्पाङ र काठमाडौँ महानगरपालिकाका मेयर बालेन्द्र शाह (बालेन) बीच भेटवार्ता भएको छ। उनीहररूबीच आज काठमाडौं महानगरपालिकाको भवनमा भेटवार्ता भएको हो।

श्रममा विश्वास गर्ने मेयर साम्पाङले काठमाडौँका मेयर शाहले केही गर्न सकेनन् भन्ने अभिव्यक्ति दिएपछि उनीहरुबिच विदाद चर्किएको थियो। सामाजिक सञ्जालमा कहिल्यै नमिल्ने मेयर भनेर चिनिने गरेकोमा मंगलबार उनीहरुबीच भेटवार्ता भएको मेयर साम्पाङले सामाजिक सञ्जालमा तस्बिर सार्वजनिक गर्दै बताएका हुन्।

उनले भनेका छन्,‘आज बालेन शाह ज्यु सङ्ग पहिलो भेट भयो ! रमाइलो भयो कुराकानी !’