काठमाडौँ – भारतको चर्चित गायन रियालिटी सो इण्डियन आइडल–१३ को उपाधि अयोध्याका ऋषि सिंह बनेका छन् ।

आइतबार मुम्बईमा भएको फाइनलमा सिंहले इण्डियन आइडल–१३ को उपाधि पाउन सफल भएका हुन् । कार्यक्रममा हिमेश रेशमिया, विशाल दलानी र नेहा कक्कड निर्णायक थिए ।

भारतका विभिन्न राज्यबाट कार्यक्रममा सहभागीमध्येबाट ऋषि सिंह, बिदिप्ता चक्रवर्ती, चिराग कोतवाल, सोनाक्षी कार, शिवम सिंह, र देबोस्मिता रोय गरी ६ जना फाइनलमा पुगेका थिए ।

देबोस्मिता रोय र चिराग कोतवाल फस्ट रनरअप भएका छन् । विजेता बनेका ऋषि सिंहले सोनी टिभीबाट २५ लाख रुपियाँको चेक र कार पाएका छन् ।

सन् २०१९ मा पनि ऋषि इण्डियन आइडलको ११ औँ सिजनमा सहभागी भएका थिए । चौथो राउण्डपछि बाहिरिएका थिए ।