काठमाडौं – रामनवमीको अवसरमा प्रभास र कृति सेनन स्टारर दक्षिण भारतीय फिल्म ‘आदिपुरुष’को पोस्टर सार्वजनिक भएको छ ।
पोस्टरमा कृति, प्रभास र सन्नी (माता सीता, भगवान राम र लक्ष्मण) को गेटअपमा देखिएका छन् ।
बिहीबार बिहान प्रभासले पोस्टर रिलिज गर्दै फ्यानलाई रामनवमीको शुभकामना दिएका छन् । उनले अंग्रेजी, हिन्दी र तेलुगूमा क्याप्सन लेखेका छन्, ‘तिम्रो नाम मन्त्रभन्दा ठूलो छ, जय श्रीराम ।’ प्रभासबाहेक निर्देशक ओम राउत र कृति सेननले पनि यो पोस्टर आफ्नो सोसल मिडिया ह्यान्डलमा सेयर गरेका छन् ।
यसअघि आदिपुरुषु जनवरी २०२३ मा रिलिज हुने तयारीमा थियो तर टिजरमै विवाद उत्पन्न भएपछि निर्माण पक्षले प्रदर्शन मिति सारेको हो । यसअघि सार्वजनिक भएको ट्रेलेरमा रावण, सीता र हनुमानको भूमिकालाई लिएर विवाद भएको थियो ।
नयाँ पोस्टर सार्वजनिक हुनेबित्तिकै सामाजिक सञ्जालमा प्रयोगकर्ताहरूले चर्को ट्रोल गरिरहेका छन् । आदिपुरुष पैसाको बर्बादी हो र यसले हिन्दूको धार्मिक भावनामा चोट मात्र पुर्याइरहेको छ ।
महिनौंअघि टिजर रिलिज भएदेखि नै दर्शकले हनुमानको लुकलाई लिएर निराश छन् । उक्त टिजरमा हनुमानको अनुहार मुस्लिम धर्माका पात्रजस्तो देखिएका फ्यानको आरोप छ ।