काठमाडौँ – शनिबार नेपाली फिल्म ‘छक्का पञ्जा ४’ को युनिट बनेपाको शुभकामना हलमा पुगेका थिए ।

दीपकराज गिरी र दीपाश्री निरौलाको समूहले निर्माण गरेको ‘छक्का पञ्जा ४’ ले प्रदर्शनको तेस्रो सातामा पनि राम्रो व्यवसाय गरिरहेको छ । उनीहरुले शुभकामना हलमा पुगेर दर्शकको प्रतिक्रिया लिएको छ ।

फिल्मको विषयमा दर्शकको प्रतिक्रिया बुझ्न र दर्शक भेट्न आफूहरू हल हल धाइरहेको निर्माता कलाकार निर्मल शर्मा ‘गैडा’ले बताए । उनले भने ‘हामीहरु फिल्म सुरु हुने र छुट्ने समयमा दर्शक भेट्न उपत्यका र बनेको हलमा पुगिरहेका छौ’ शर्माले भने ‘३, ४ पटकसम्म फिल्म हेरे भन्ने दर्शक पनि भेटियो । त्यो देख्दा निकै खुसी लाग्दो रहेछ ।’ उपत्यकाको हल भ्रमण सकाएर अहिले उपत्यका बाहिर भ्रमणको योजनामा आफूहरू रहेको हाे ।

हेमराज बिसीको निर्देशन रहेको फिल्ममा दीपकराज गिरी, बेनिशा हमाल, दीपाश्री निरौला, केदार घिमिरे, निर्मल शर्मा, बुद्धि तामाङ, राज आचार्य, सुश्मा निरौला, वेदना राईलगायत कलाकारको अभिनय छ ।

नरेन्द्र मैनालीले छायांकन रहेको फिल्ममा निमेष श्रेष्ठको सम्पादन छ। फिल्मको कथा दीपकराज गिरीले आफैले तयार पारेका हुन्। फिल्मले अहिलेसम्म १० करोड बढी व्यवसाय गरिसकेको बताएको छ ।

कलाकार निर्माता दीपकराज गिरी, दीपाश्री निरौला, निर्मल शर्मा ‘गौडा’, राज आचार्य लगायत युनिटमा सहभागी रहेका थिए ।